|
అర్జున
ఉవాచ
|
|
1
|
ఏవం సతత-యుక్తా యే భక్తాస్త్వాం పర్యుపాసతే ।
యే చాప్యక్షరమవ్యక్తం తేషాం కే యోగ-విత్తమాః ॥ |
|
భగవాన్
ఉవాచ
|
|
2
|
మయ్యావేశ్య మనో యే మాం నిత్య-యుక్తా ఉపాసతే ।
శ్రద్ధయా పరయోపేతాః తే మే యుక్త-తమా మతాః ॥ |
|
3
|
యే త్వక్షరమనిర్దేశ్యం అవ్యక్తం పర్యుపాసతే ।
సర్వత్ర-గమచింత్యం చ కూట-స్థమచలం ధ్రువం ॥ |
|
4
|
సన్నియమ్యేంద్రియ-గ్రామం సర్వత్ర సమ-బుద్ధయః ।
తే ప్రాప్నువంతి మామేవ సర్వ-భూత-హితే రతాః ॥ |
|
5
|
క్లేశోఽధిక-తరస్తేషాం అవ్యక్తాసక్త-చేతసాం ।
అవ్యక్తా హి గతిర్దుఃఖం దేహ-వద్భిరవాప్యతే ॥ |
|
6
|
యే తు సర్వాణి కర్మాణి మయి సంన్యస్య మత్-పరాః ।
అనన్యేనైవ యోగేన మాం ధ్యాయంత ఉపాసతే ॥ |
|
7
|
తేషామహం సముద్ధర్తా మృత్యు-సంసార-సాగరాత్ ।
భవామి న-చిరాత్ పార్థ మయ్యావేశిత-చేతసాం ॥ |
|
8
|
మయ్యేవ మన ఆధత్స్వ మయి బుద్ధిం నివేశయ ।
నివసిష్యసి మయ్యేవ అత ఊర్ధ్వం న సంశయః ॥ |
|
9
|
అథ చిత్తం సమాధాతుం న శక్నోషి మయి స్థిరం ।
అభ్యాస-యోగేన తతో మామిచ్ఛాsప్తుం ధనం-జయ ॥ |
|
10
|
అభ్యాసేఽప్యసమర్థోఽసి మత్-కర్మ-పరమో భవ ।
మదర్థమపి కర్మాణి కుర్వన్ సిద్ధిమవాప్స్యసి ॥ |
|
11
|
అథైతదప్యశక్తోఽసి కర్తుం మద్యోగమాశ్రితః ।
సర్వ-కర్మ-ఫల-త్యాగం తతః కురు యతాత్మ-వాన్ ॥ |
|
12
|
శ్రేయో హి జ్ఞానమభ్యాసాత్ జ్ఞానాద్ ధ్యానం విశిష్యతే ।
ధ్యానాత్ కర్మ-ఫల-త్యాగః త్యాగాచ్ఛాంతిరనంతరం ॥ |
|
13
|
అద్వేష్టా సర్వ-భూతానాం మైత్రః కరుణ ఏవ చ ।
నిర్మమో నిరహంకారః సమ-దుఃఖ-సుఖః క్షమీ ॥ |
|
14
|
సంతుష్టః సతతం యోగీ యతాత్మా దృఢ-నిశ్చయః ।
మయ్యర్పిత-మనో-బుద్ధిః యో మద్భక్తః స మే ప్రియః ॥ |
|
15
|
యస్మాన్నోద్విజతే లోకో లోకాన్నోద్విజతే చ యః ।
హర్షామర్ష-భయోద్వేగైః ముక్తో యః స చ మే ప్రియః ॥ |
|
16
|
అనపేక్షః శుచిర్దక్షః ఉదాసీనో గత-వ్యథః ।
సర్వారంభ-పరిత్యాగీ యో మద్-భక్తః స మే ప్ర్రియః ॥ |
|
17
|
యో న హృష్యతి న ద్వేష్టి న శోచతి న కాంక్షతి ।
శుభాశుభ-పరిత్యాగీ భక్తి-మాన్ యః స మే ప్రియః ॥ |
|
18
|
సమః శత్రౌ చ మిత్రే చ తథా మానాప-మానయోః ।
శీతోష్ణ-సుఖ-దుఃఖేషు సమః సంగ-వివర్జితః ॥ |
|
19
|
తుల్య-నిందా-స్తుతిర్మౌనీ సంతుష్టో యేన-కేన-చిత్ ।
అనికేతః స్థిర-మతిః భక్తి-మాన్ మే ప్రియో నరః ॥ |
|
20
|
యే తు ధర్మ్యామృతమిదం యథోక్తం పర్యుపాసతే ।
శ్రద్దధానా మత్-పరమాః భక్తాస్తేఽతీవ మే ప్రియాః ॥ |
