அத² செப்தமோ²(அ)த்⁴யாய꞉ அத்தியாயம் ௭

1 மய்யாஸக்த-மனா꞉ பார்த² யோக³ம்ʼ யுஞ்ஜன் மதா³ஶ்ரய꞉ । அஸம்ʼஶயம்ʼ ஸமக்³ரம்ʼ மாம்ʼ யதா² ஜ்ஞாஸ்யஸி தச்ச்²ருʼணு ॥
2 ஜ்ஞானம்ʼ தே(அ)ஹம்ʼ ஸ-விஜ்ஞானம்ʼ இத³ம்ʼ வக்ஷ்யாம்யஶேஷத꞉ । யஜாஜ்ஞத்வா நேஹ பூ⁴யோ(அ)ன்யத் ஜ்ஞாதவ்யமவ-ஶிஷ்யதே ॥
3 மனுஷ்யாணாம்ʼ ஸஹஸ்ரேஷு கஶ்சித்³ யததி ஸித்³த⁴யே । யததாமபி ஸித்³தா⁴னாம்ʼ கஶ்சின்மாம்ʼ வேத்தி தத்த்வத꞉ ॥
4 பூ⁴மிராபோ(அ)னலோ வாயு꞉ க²ம்ʼ மனோ பு³த்³தி⁴ரேவ ச । அஹம்ʼ-கார இதீயம்ʼ மே பி⁴ன்னா ப்ரக்ருʼதிரஷ்ட-தா⁴ ॥
5 அபரேயமிதஸ்த்வன்யாம்ʼ ப்ரக்ருʼதிம்ʼ வித்³தி⁴ மே பராம் । ஜீவ-பூ⁴தாம்ʼ மஹாபா³ஹோ யயேத³ம்ʼ தா⁴ர்யதே ஜக³த் ॥
6 ஏதத்³யோனீனி பூ⁴தானி ஸர்வாணீத்யுப-தா⁴ரய । அஹம்ʼ க்ருʼத்ஸ்னஸ்ய ஜக³த꞉ ப்ரப⁴வ꞉ ப்ரளயஸ்ததா² ॥
7 மத்த꞉ பர-தரம்ʼ நான்யத் கிஞ்சித³ஸ்தி த⁴னம்ʼ-ஜய । மயி ஸர்வமித³ம்ʼ ப்ரோதம்ʼ ஸூத்ரே மணி-க³ணா இவ ॥
8 ரஸோ(அ)ஹமப்ஸு கௌந்தேய ப்ரபா⁴(அ)ஸ்மி ஶஶி-ஸூர்யயோ꞉ । ப்ரணவ꞉ ஸர்வ-வேதே³ஷு ஶப்³த³꞉ கே² பௌருஷம்ʼ ந்ருʼஷு ॥
9 புண்யோ க³ந்த⁴꞉ ப்ருʼதி²வ்யாம்ʼ ச தேஜஶ்சாஸ்மி விபா⁴வஸௌ । ஜீவனம்ʼ ஸர்வ-பூ⁴தேஷு தபஶ்சாஸ்மி தபஸ்விஷு ॥
10 பீ³ஜம்ʼ மாம்ʼ ஸர்வ-பூ⁴தானாம்ʼ வித்³தி⁴ பார்த² ஸனாதனம் । பு³த்³தி⁴ர்பு³த்³தி⁴-மதாமஸ்மி தேஜஸ்தேஜஸ்விநாமஹம் ॥
11 ப³லம்ʼ ப³ல-வதாம்ʼ சாஹம்ʼ காம-ராக³-விவர்ஜிதம் । த⁴ர்மாவிருத்³தோ⁴ பூ⁴தேஷு காமோ(அ)ஸ்மி ப⁴ரதர்ஷப⁴ ॥
12 யே சைவ ஸாத்த்விகா பா⁴வா꞉ ராஜஸாஸ்தாமஸாஶ்ச யே । மத்த ஏவேதி தான் வித்³தி⁴ ந த்வஹம்ʼ தேஷு தே மயி ॥
13 த்ரிபி⁴ர்கு³ண-மயைர்பா⁴வை꞉ ஏபி⁴꞉ ஸர்வமித³ம்ʼ ஜக³த் । மோஹிதம்ʼ நாபி⁴-ஜானாதி மாமேப்⁴ய꞉ பரமவ்யயம் ॥
14 தை³வீ ஹ்யேஷா கு³ண-மயீ மம மாயா து³ரத்யயா । மாமேவ யே ப்ர-பத்³யந்தே மாயாமேதாம்ʼ தரந்தி தே ॥
15 ந மாம்ʼ து³ஷ்க்ருʼதினோ மூடா⁴꞉ ப்ர-பத்³யந்தே நராத⁴மா꞉ । மாயயா(அ)ப-ஹ்ருʼத-ஜ்ஞானா꞉ ஆஸுரம்ʼ பா⁴வமாஶ்ரிதா꞉ ॥
16 சதுர்விதா⁴ ப⁴ஜந்தே மாம்ʼ ஜனா꞉ ஸு-க்ருʼதினோ(அ)ர்ஜுன । ஆர்தோ ஜிஜ்ஞாஸுரர்தா²ர்தீ² ஜ்ஞானீ ச ப⁴ரதர்ஷப⁴ ॥
17 தேஷாம்ʼ ஜ்ஞானீ நித்ய-யுக்த꞉ ஏக-ப⁴க்திர்விஶிஷ்யதே । ப்ரியோ ஹி ஜ்ஞானினோ(அ)த்யர்த²ம்ʼ அஹம்ʼ ஸ ச மம ப்ரிய꞉ ॥
18 உதா³ரா꞉ ஸர்வ ஏவைதே ஜ்ஞானீ த்வாத்மைவ மே மதம் । ஆஸ்தி²த꞉ ஸ ஹி யுக்தாத்மா மாமேவானுத்தமாம்ʼ க³திம் ॥
19 ப³ஹூனாம்ʼ ஜன்மநாமந்தே ஜ்ஞான-வான் மாம்ʼ ப்ர-பத்³யதே । வாஸு-தே³வ꞉ ஸர்வமிதி ஸ மஹாத்மா ஸு-து³ர்லப⁴꞉ ॥
20 காமைஸ்தைஸ்தைர்ஹ்ருʼத-ஜ்ஞானா꞉ ப்ர-பத்³யந்தே(அ)ன்ய-தே³வதா꞉ । தம்ʼ-தம்ʼ நியமமாஸ்தா²ய ப்ரக்ருʼத்யா நியதா꞉ ஸ்வயா ॥
21 யோ-யோ யாம்ʼ-யாம்ʼ தனும்ʼ ப⁴க்த꞉ ஶ்ரத்³த⁴யா(அ)ர்சிதுமிச்ச²தி । தஸ்ய-தஸ்யாசலாம்ʼ ஶ்ரத்³தா⁴ம்ʼ தாமேவ வி-த³தா⁴ம்யஹம் ॥
22 ஸ தயா ஶ்ரத்³த⁴யா யுக்த꞉ தஸ்யா(அ)ராத⁴னமீஹதே । லப⁴தே ச தத꞉ காமான் மயைவ விஹிதான் ஹிதான் ॥
23 அந்த-வத்து ப²லம்ʼ தேஷாம்ʼ தத்³ ப⁴வத்யல்ப-சேதஸாம் । தே³வான் தே³வ-யஜோ யாந்தி மத்³ப⁴க்தா யாந்தி மாமபி ॥
24 அவ்யக்தம்ʼ வ்யக்திமாபன்னம்ʼ மன்யந்தே மாமபு³த்³த⁴ய꞉ । பரம்ʼ பா⁴வமஜானந்தோ மமாவ்யயமனுத்தமம் ॥
25 நாஹம்ʼ ப்ரகாஶ꞉ ஸர்வஸ்ய யோக³-மாயா-ஸமாவ்ருʼத꞉ । மூடோ⁴(அ)யம்ʼ நாபி⁴-ஜானாதி லோகோ மாமஜமவ்யயம் ॥
26 வேதா³ஹம்ʼ ஸமதீதானி வர்தமானானி சார்ஜுன । ப⁴விஷ்யாணி ச பூ⁴தானி மாம்ʼ து வேத³ ந கஶ்சன ॥
27 இச்சா²-த்³வேஷ-ஸமுத்தே²ன த்³வந்த்³வ-மோஹேன பா⁴ரத । ஸர்வ-பூ⁴தானி ஸம்மோஹம்ʼ ஸர்கே³ யாந்தி பரம்ʼ தப ॥
28 யேஷாம்ʼ த்வந்த-க³தம்ʼ பாபம்ʼ ஜனானாம்ʼ புண்ய-கர்மணாம் । தே த்³வந்த்³வ-மோஹ-நிர்முக்தா꞉ ப⁴ஜந்தே மாம்ʼ த்³ருʼட⁴-வ்ரதா꞉ ॥
29 ஜரா-மரண-மோக்ஷாய மாமாஶ்ரித்ய யதந்தி யே । தே ப்³ரஹ்ம தத்³ விது³꞉ க்ருʼத்ஸ்னம்ʼ அத்⁴யாத்மம்ʼ கர்ம சாகி²லம் ॥
30 ஸாதி⁴-பூ⁴தாதி⁴-தை³வம்ʼ மாம்ʼ ஸாதி⁴-யஜ்ஞம்ʼ ச யே விது³꞉ । ப்ரயாண-காலே(அ)பி ச மாம்ʼ தே விது³ர்யுக்த-சேதஸ꞉ ॥

இதி செப்தமோ²(அ)த்⁴யாய꞉