அத² தசமோ²(அ)த்⁴யாய꞉ அத்தியாயம் ௧௦

1 பூ⁴ய ஏவ மஹா-பா³ஹோ ஶ்ருʼணு மே பரமம்ʼ வச꞉ । யத் தே(அ)ஹம்ʼ ப்ரீயமாணாய வக்ஷ்யாமி ஹித-காம்யயா ॥
2 ந மே விது³꞉ ஸுர-க³ணா꞉ ப்ரப⁴வம்ʼ ந மஹர்ஷய꞉ । அஹமாதி³ர்ஹி தே³வானாம்ʼ மஹர்ஷீணாம்ʼ ச ஸர்வஶ꞉ ॥
3 யோ மாமஜமநாதி³ம்ʼ ச வேத்தி லோக-மஹேஶ்வரம் । அஸம்மூட⁴꞉ ஸ மர்த்யேஷு ஸர்வ-பாபை꞉ ப்ரமுச்யதே ॥
4 பு³த்³தி⁴ர்ஜ்ஞானமஸம்மோஹ꞉ க்ஷமா ஸத்யம்ʼ த³ம꞉ ஶம꞉ । ஸுக²ம்ʼ து³꞉க²ம்ʼ ப⁴வோ(அ)பா⁴வோ ப⁴யம்ʼ சாப⁴யமேவ ச ॥
5 அஹிம்ʼஸா ஸமதா துஷ்டி꞉ தபோ தா³னம்ʼ யஶோ(அ)யஶ꞉ । ப⁴வந்தி பா⁴வா பூ⁴தானாம்ʼ மத்த ஏவ ப்ருʼத²க்³விதா⁴꞉ ॥
6 மஹர்ஷய꞉ ஸப்த பூர்வே சத்வாரோ மனவஸ்ததா² । மத்³பா⁴வா மானஸா ஜாதா꞉ யேஷாம்ʼ லோக இமா꞉ ப்ரஜா꞉ ॥
7 ஏதாம்ʼ விபூ⁴திம்ʼ யோக³ம்ʼ ச மம யோ வேத்தி தத்த்வத꞉ । ஸோ(அ)வி-கம்பேன யோகே³ன யுஜ்யதே நாத்ர ஸம்ʼஶய꞉ ॥
8 அஹம்ʼ ஸர்வஸ்ய ப்ரப⁴வோ மத்த꞉ ஸர்வம்ʼ ப்ரவர்ததே । இதி மத்வா ப⁴ஜந்தே மாம்ʼ பு³தா⁴ பா⁴வ-ஸமன்விதா꞉ ॥
9 மச்சித்தா மத்³க³த-ப்ராணா꞉ போ³த⁴யந்த꞉ பரஸ்பரம் । கத²யந்தஶ்ச மாம்ʼ நித்யம்ʼ துஷ்யந்தி ச ரமந்தி ச ॥
10 தேஷாம்ʼ ஸதத-யுக்தானாம்ʼ ப⁴ஜதாம்ʼ ப்ரீதி-பூர்வகம் । த³தா³மி பு³த்³தி⁴-யோக³ம்ʼ தம்ʼ யேன மாமுபயாந்தி தே ॥
11 தேஷாமேவானு-கம்பார்த²ம்ʼ அஹமஜ்ஞான-ஜம்ʼ தம꞉ । நாஶயாம்யாத்ம-பா⁴வஸ்தோ² ஜ்ஞான-தீ³பேன பா⁴ஸ்வதா ॥
அர்ஜுன உவாச
12 பரம்ʼ ப்³ரஹ்ம பரம்ʼ தா⁴ம பவித்ரம்ʼ பரமம்ʼ ப⁴வான் । புருஷம்ʼ ஶாஶ்வதம்ʼ தி³வ்யம்ʼ ஆதி³-தே³வமஜம்ʼ விபு⁴ம் ॥
13 ஆஹுஸ்த்வாம்ருʼஷய꞉ ஸர்வே தே³வர்ஷிர்நாரத³ஸ்ததா² । அஸிதோ தே³வலோ வ்யாஸ꞉ ஸ்வயம்ʼ சைவ ப்³ரவீஷி மே ॥
14 ஸர்வமேதத்³ருʼதம்ʼ மன்யே யன்மாம்ʼ வத³ஸி கேஶவ । நஹி தே ப⁴க³வன் வ்யக்திம்ʼ விது³ர்தே³வா ந தா³னவா꞉ ॥
15 ஸ்வயமேவாத்மனா(ஆ)த்மானம்ʼ வேத்த² த்வம்ʼ புருஷோத்தம । பூ⁴த-பா⁴வன பூ⁴தேஶ தே³வ-தே³வ ஜக³த்பதே ॥
16 வக்துமர்ஹஸ்யஶேஷேண தி³வ்யா ஹ்யாத்ம-விபூ⁴தய꞉ । யாபி⁴ர்விபூ⁴திபி⁴ர்லோகான் இமாம்ʼஸ்த்வம்ʼ வ்யாப்ய திஷ்ட²ஸி ॥
17 கத²ம்ʼ வித்³யாமஹம்ʼ யோகி³ன் த்வாம்ʼ ஸதா³ பரி-சிந்தயன் । கேஷு-கேஷு ச பா⁴வேஷு சிந்த்யோ(அ)ஸி ப⁴க³வன் மயா ॥
18 விஸ்தரேணாத்மனோ யோக³ம்ʼ விபூ⁴திம்ʼ ச ஜனார்த³ன । பூ⁴ய꞉ கத²ய த்ருʼப்திர்ஹி ஶ்ருʼண்வதோ நாஸ்தி மே(அ)ம்ருʼதம் ॥
ப⁴க³வான் உவாச
19 ஹந்த தே கத²யிஷ்யாமி தி³வ்யா ஹ்யாத்ம-விபூ⁴தய꞉ । ப்ராதா⁴ன்யத꞉ குரு-ஶ்ரேஷ்ட² நாஸ்த்யந்தோ விஸ்தரஸ்ய மே ॥
20 அஹமாத்மா கு³டா³கேஶ ஸர்வ-பூ⁴தாஶய-ஸ்தி²த꞉ । அஹமாதி³ஶ்ச மத்⁴யம்ʼ ச பூ⁴தாநாமந்த ஏவ ச ॥
21 ஆதி³த்யாநாமஹம்ʼ விஷ்ணு꞉ ஜ்யோதிஷாம்ʼ ரவிரம்ʼஶுமான் । மரீசிர்மருதாமஸ்மி நக்ஷத்ராணாமஹம்ʼ ஶஶீ ॥
22 வேதா³னாம்ʼ ஸாம-வேதோ³(அ)ஸ்மி தே³வாநாமஸ்மி வாஸவ꞉ । இந்த்³ரியாணாம்ʼ மனஶ்சாஸ்மி பூ⁴தாநாமஸ்மி சேதனா ॥
23 ருத்³ராணாம்ʼ ஶங்கரஶ்சாஸ்மி வித்தேஶோ யக்ஷ-ரக்ஷஸாம் । வஸூனாம்ʼ பாவகஶ்சாஸ்மி மேரு꞉ ஶிக²ரிணாமஹம் ॥
24 புரோத⁴ஸாம்ʼ ச முக்²யம்ʼ மாம்ʼ வித்³தி⁴ பார்த² ப்³ருʼஹஸ்பதிம் । ஸேனானீநாமஹம்ʼ ஸ்கந்த³꞉ ஸரஸாமஸ்மி ஸாக³ர꞉ ॥
25 மஹர்ஷீணாம்ʼ ப்⁴ருʼகு³ரஹம்ʼ கி³ராமஸ்ம்யைகமக்ஷரம் । யஜ்ஞானாம்ʼ ஜப-யஜ்ஞோ(அ)ஸ்மி ஸ்தா²வராணாம்ʼ ஹிமாலய꞉ ॥
26 அஶ்வத்த²꞉ ஸர்வ-வ்ருʼக்ஷாணாம்ʼ தே³வர்ஷீணாம்ʼ ச நாரத³꞉ । க³ந்த⁴ர்வாணாம்ʼ சித்ர-ரத²꞉ ஸித்³தா⁴னாம்ʼ கபிலோ முனி꞉ ॥
27 உச்சை꞉ஶ்ரவஸமஶ்வானாம்ʼ வித்³தி⁴ மாமம்ருʼதோத்³ப⁴வம் । ஐராவதம்ʼ க³ஜேந்த்³ராணாம்ʼ நராணாம்ʼ ச நராதி⁴பம் ॥
28 ஆயுதா⁴நாமஹம்ʼ வஜ்ரம்ʼ தே⁴னூநாமஸ்மி காம-து⁴க் । ப்ரஜனஶ்சாஸ்மி கந்த³ர்ப꞉ ஸர்பாணாமஸ்மி வாஸுகி꞉ ॥
29 அனந்தஶ்சாஸ்மி நாகா³னாம்ʼ வருணோ யாத³ஸாமஹம் । பித்ரூʼணாமர்யமா சாஸ்மி யம꞉ ஸம்ʼயமதாமஹம் ॥
30 ப்ரஹ்லாத³ஶ்சாஸ்மி தை³த்யானாம்ʼ கால꞉ கலயதாமஹம் । ம்ருʼகா³ணாம்ʼ ச ம்ருʼகே³ந்த்³ரோ(அ)ஹம்ʼ வைனதேயஶ்ச பக்ஷிணாம் ॥
31 பவன꞉ பவதாமஸ்மி ராம꞉ ஶஸ்த்ர-ப்⁴ருʼதாமஹம் । ஜ²ஷாணாம்ʼ மகரஶ்சாஸ்மி ஸ்ரோதஸாமஸ்மி ஜாஹ்னவீ ॥
32 ஸர்கா³ணாமாதி³ரந்தஶ்ச மத்⁴யம்ʼ சைவாஹமர்ஜுன । அத்⁴யாத்ம-வித்³யா வித்³யானாம்ʼ வாத³꞉ ப்ரவத³தாமஹம் ॥
33 அக்ஷராணாமகாரோ(அ)ஸ்மி த்³வந்த்³வ꞉ ஸாமாஸிகஸ்ய ச । அஹமேவாக்ஷய꞉ காலோ தா⁴தா(அ)ஹம்ʼ விஶ்வதோ-முக²꞉ ॥
34 ம்ருʼத்யு꞉ ஸர்வ-ஹரஶ்சாஹம்ʼ உத்³ப⁴வஶ்ச ப⁴விஷ்யதாம் । கீர்தி꞉ ஶ்ரீர்வாக் ச நாரீணாம்ʼ ஸ்ம்ருʼதிர்மேதா⁴ த்⁴ருʼதி꞉ க்ஷமா ॥
35 ப்³ருʼஹத்ஸாம ததா² ஸாம்னாம்ʼ கா³யத்த்ரீ ச²ந்த³ஸாமஹம் । மாஸானாம்ʼ மார்க³-ஶீர்ஷோ(அ)ஹம்ʼ ருʼதூனாம்ʼ குஸுமாகர꞉ ॥
36 த்³யூதம்ʼ ச²லயதாமஸ்மி தேஜஸ்தேஜஸ்விநாமஹம் । ஜயோ(அ)ஸ்மி வ்யவஸாயோ(அ)ஸ்மி ஸத்வம்ʼ ஸத்த்வ-வதாமஹம் ॥
37 வ்ருʼஷ்ணீனாம்ʼ வாஸு-தே³வோ(அ)ஸ்மி பாண்ட³வானாம்ʼ த⁴னம்ʼ-ஜய꞉ । முனீநாமப்யஹம்ʼ வ்யாஸ꞉ கவீநாமுஶனா கவி꞉ ॥
38 த³ண்டோ³ த³மயதாமஸ்மி நீதிரஸ்மி ஜிகீ³ஷதாம் । மௌனம்ʼ சைவாஸ்மி கு³ஹ்யானாம்ʼ ஜ்ஞானம்ʼ ஜ்ஞான-வதாமஹம் ॥
39 யச்சாபி ஸர்வ-பூ⁴தானாம்ʼ பீ³ஜம்ʼ தத³ஹமர்ஜுன । ந தத³ஸ்தி வினா யத் ஸ்யாத் மயா பூ⁴தம்ʼ சராசரம் ॥
40 நாந்தோ(அ)ஸ்தி மம தி³வ்யானாம்ʼ விபூ⁴தீனாம்ʼ பரம்ʼ தப । ஏஷ தூத்³தே³ஶத꞉ ப்ரோக்தோ விபூ⁴தேர்விஸ்தரோ மயா ॥
41 யத்³யத்³ விபூ⁴தி-மத் ஸத்வம்ʼ ஶ்ரீ-மதூ³ர்ஜிதமேவ வா । தத்ததே³வாவ-க³ச்ச² த்வம்ʼ மம தேஜோ(அ)ம்ʼஶ-ஸம்ப⁴வம் ॥
42 அத²வா ப³ஹுனைதேன கிம்ʼ ஜ்ஞாதேன தவார்ஜுன । விஷ்டப்⁴யாஹமித³ம்ʼ க்ருʼத்ஸ்னம்ʼ ஏகாம்ʼஶேன ஸ்தி²தோ ஜக³த் ॥

இதி தசமோ²(அ)த்⁴யாய꞉