அத² அஷ்டமோ²(அ)த்⁴யாய꞉ அத்தியாயம் ௮

அர்ஜுன உவாச
1 கிம்ʼ தத்³ ப்³ரஹ்ம கிமத்⁴யாத்மம்ʼ கிம்ʼ கர்ம புருஷோத்தம । அதி⁴-பூ⁴தம்ʼ ச கிம்ʼ ப்ரோக்தம்ʼ அதி⁴-தை³வம்ʼ கிமுச்யதே ॥
2 அதி⁴-யஜ்ஞ꞉ கத²ம்ʼ கோ(அ)த்ர தே³ஹே(அ)ஸ்மின் மது⁴-ஸூத³ன । ப்ரயாண-காலே ச கத²ம்ʼ ஜ்ஞேயோ(அ)ஸி நியதாத்மபி⁴꞉ ॥
ப⁴க³வான் உவாச
3 அக்ஷரம்ʼ ப்³ரஹ்ம பரமம்ʼ ஸ்வபா⁴வோ(அ)த்⁴யாத்மமுச்யதே । பூ⁴த-பா⁴வோத்³ப⁴வ-கரோ விஸர்க³꞉ கர்ம-ஸஞ்ஜ்ஞித꞉ ॥
4 அதி⁴-பூ⁴தம்ʼ க்ஷரோ பா⁴வ꞉ புருஷஶ்சாதி⁴-தை³வதம் । அதி⁴-யஜ்ஞோ(அ)ஹமேவாத்ர தே³ஹே தே³ஹ-ப்⁴ருʼதாம்ʼ வர ॥
5 அந்த-காலே ச மாமேவ ஸ்மரன் முக்த்வா களேப³ரம் । ய꞉ ப்ரயாதி ஸ மத்³பா⁴வம்ʼ யாதி நாஸ்த்யத்ர ஸம்ʼஶய꞉ ॥
6 யம்ʼ-யம்ʼ வா(அ)பி ஸ்மரன் பா⁴வம்ʼ த்யஜத்யந்தே களேப³ரம் । தம்ʼ-தமேவைதி கௌந்தேய ஸதா³ தத்³பா⁴வ-பா⁴வித꞉ ॥
7 தஸ்மாத் ஸர்வேஷு காலேஷு மாமனுஸ்மர யுத்⁴ய ச । மய்யர்பித-மனோ-பு³த்³தி⁴꞉ மாமேவைஷ்யஸ்யஸம்ʼஶயம் ॥
8 அப்⁴யாஸ-யோக³-யுக்தேன சேதஸா(அ)னன்ய-கா³மினா । பரமம்ʼ புருஷம்ʼ தி³வ்யம்ʼ யாதி பார்தா²னு-சிந்தயன் ॥
9 கவிம்ʼ புராணமனு-ஶாஸிதாரம்ʼ அணோரணீயாம்ʼஸமனு-ஸ்மரேத்³ ய꞉ । ஸர்வஸ்ய தா⁴தாரமசிந்த்ய-ரூபம்ʼ ஆதி³த்ய-வர்ணம்ʼ தமஸ꞉ பரஸ்தாத் ॥
10 ப்ரயாண-காலே மனஸா(அ)சலேன ப⁴க்த்யாயுக்தோ யோக³-ப³லேன சைவ । ப்⁴ருவோர்மத்⁴யே ப்ராணமாவேஶ்ய ஸம்யக் ஸ தம்ʼ பரம்ʼ புருஷமுபைதி தி³வ்யம் ॥
11 யத³க்ஷரம்ʼ வேத³-விதோ³ வத³ந்தி விஶந்தி யத்³ யதயோ வீத-ராகா³꞉ । யதி³ச்ச²ந்தோ ப்³ரஹ்ம-சர்யம்ʼ சரந்தி தத் தே பத³ம்ʼ ஸங்க்³ரஹேண ப்ரவக்ஷ்யே ॥
12 ஸர்வ-த்³வாராணி ஸம்ʼயம்ய மனோ ஹ்ருʼதி³ நிருத்³த்⁴ய ச । மூர்த்⁴ன்யார்யதா⁴யா(அ)த்மன꞉ ப்ராணம்ʼ ஆஸ்தி²தோ யோக³-தா⁴ரணாம் ॥
13 ஓமித்யேகாக்ஷரம்ʼ ப்³ரஹ்ம வ்யாஹரன் மாமனு-ஸ்மரன் । ய꞉ ப்ரயாதி த்யஜன் தே³ஹம்ʼ ஸ யாதி பரமாம்ʼ க³திம் ॥
14 அனன்ய-சேதா꞉ ஸததம்ʼ யோ மாம்ʼ ஸ்மரதி நித்யஶ꞉ । தஸ்யாஹம்ʼ ஸுலப⁴꞉ பார்த² நித்ய-யுக்தஸ்ய யோகி³ன꞉ ॥
15 மாமுபேத்ய புனர்ஜன்ம து³꞉கா²லயமஶாஶ்வதம் । நா(அ)ப்னுவந்தி மஹாத்மான꞉ ஸம்ʼஸித்³தி⁴ம்ʼ பரமாம்ʼ க³தா꞉ ॥
16 ஆ ப்³ரஹ்ம-பு⁴வனால்லோகா꞉ புனராவர்தினோ(அ)ர்ஜுன । மாமுபேத்ய து கௌந்தேய புனர்ஜன்ம ந வித்³யதே ॥
17 ஸஹஸ்ர-யுக³-பர்யந்தம்ʼ அஹர்யத்³ ப்³ரஹ்மணோ விது³꞉ । ராத்ரிம்ʼ யுக³-ஸஹஸ்ராந்தாம்ʼ தே(அ)ஹோராத்ர-விதோ³ ஜனா꞉ ॥
18 அவ்யக்தாத்³ வ்யக்தய꞉ ஸர்வா꞉ ப்ரப⁴வந்த்யஹராக³மே । ராத்ர்யாக³மே ப்ரலீயந்தே தத்ரைவாவ்யக்த-ஸஞ்ஜ்ஞகே ॥
19 பூ⁴த-க்³ராம꞉ ஸ ஏவாயம்ʼ பூ⁴த்வா-பூ⁴த்வா ப்ரலீயதே । ராத்ர்யாக³மே(அ)வஶ꞉ பார்த² ப்ரப⁴வத்யஹராக³மே ॥
20 பரஸ்தஸ்மாத்து பா⁴வோ(அ)ன்யோ(அ)வ்யக்தோ வ்யக்தாத் ஸனாதன꞉ । ய꞉ ஸ ஸர்வேஷு பூ⁴தேஷு நஶ்யத்ஸு ந வினஶ்யதி ॥
21 அவ்யக்தோ(அ)க்ஷர இத்யுக்த꞉ தமாஹு꞉ பரமாம்ʼ க³திம் । யம்ʼ ப்ராப்ய ந நிவர்தந்தே தத்³ தா⁴ம பரமம்ʼ மம ॥
22 புருஷ꞉ ஸ பர꞉ பார்த² ப⁴க்த்யா லப்⁴யஸ்த்வனன்யயா । யஸ்யாந்த꞉ஸ்தா²னி பூ⁴தானி யேன ஸர்வமித³ம்ʼ ததம் ॥
23 யத்ர காலே த்வனாவ்ருʼத்திம்ʼ ஆவ்ருʼத்திம்ʼ சைவ யோகி³ன꞉ । ப்ரயாதா யாந்தி தம்ʼ காலம்ʼ வக்ஷ்யாமி ப⁴ரதர்ஷப⁴ ॥
24 அக்³நிர்ஜோதிரஹ꞉ ஶுக்ல꞉ ஷண்மாஸா உத்தராயணம் । தத்ர ப்ரயாதா க³ச்ச²ந்தி ப்³ரஹ்ம ப்³ரஹ்ம-விதோ³ ஜனா꞉ ॥
25 தூ⁴மோ ராத்ரிஸ்ததா² க்ருʼஷ்ண꞉ ஷண்மாஸா த³க்ஷிணாயனம் । தத்ர சாந்த்³ரமஸம்ʼ ஜ்யோதி꞉ யோகீ³ ப்ராப்ய நிவர்ததே ॥
26 ஶுக்ல-க்ருʼஷ்ணே க³தீ ஹ்யேதே ஜக³த꞉ ஶாஶ்வதே மதே । ஏகயா யாத்யனாவ்ருʼத்திம்ʼ அன்யயா(ஆ)வர்ததே புன꞉ ॥
27 நைதே ஸ்ருʼதீ பார்த² ஜானன் யோகீ³ முஹ்யதி கஶ்சன । தஸ்மாத் ஸர்வேஷு காலேஷு யோக³-யுக்தோ ப⁴வார்ஜுன ॥
28 வேதே³ஷு யஜ்ஞேஷு தபஸ்ஸு சைவ தா³னேஷு யத்புண்ய-ப²லம்ʼ ப்ரதி³ஷ்டம் । அத்யேதி தத் ஸர்வமித³ம்ʼ விதி³த்வா யோகீ³ பரம்ʼ ஸ்தா²னமுபைதி சா(அ)த்³யம் ॥

இதி அஷ்டமோ²(அ)த்⁴யாய꞉